النوع الأول : من حق إدارة الضرائب أنها دير مراجعة ضريبية لآخر 4 سنوات من عمر أي الشركة 
“في الغالب كايكون سبب هاذ المراجعة الضريبية هي الأخطاء ديال المحاسبة أو أنك مادوزتش رقم المعاملات (Chiffre d’affaire) كامل”
لتجنب الوقوع فهاذ المراجعة الضريبية :
– أي فاتورة ديال البيع عطيتها لشي زبون خاصك ضاروري تعطيها حتى للمحاسب ديالك يدوزها فسيستام باش رقم المعاملات ديال الشركة يكون مقاد عند إدارة الضرائب
– وجب البحث عن محاسب ذو خبرة في مجال المحاسبة، والخبرة ليست بالسنوات أو الشواهد إنما الخبرة في إدخال المعلومات المحاسباتية وتنظيم الملفات وأرشفتها وكذلك تتبعها ومراجعتها بشكل مستمر…
النوع الثاني : من حق إدارة الضرائب دير معاك مراجعة ضريبية لآخر 8 سنوات 
“في الغالب هاد المراجعة كاتكون لبعض الشركات لي عندها 4 سنوات الأولى مرتابطا ب 4 سنوات الثانية من عمر الشركة
وذلك بما يلي :
> Compte Crédit de TVA
> Compte Ropport Déficitaire”
لتجنب الوقوع فهاد المراجعة الضريبية :
خاصك تدفع طلب لإدارة الضرائب كاتخبرهم فيه أنك سمحت فالضريبة على القيمة المضافة لي كاتسال لدولة ف 4 سنوات الثانية وإذا كانت عندك خسارة حتى هي خاص تسمح فيها باش إدارة الضرائب ماديروش معاك مراجعة ضريبية ل 8 سنوات كلها
كذلك من حق إدارة الضرائب أنها دير معاك مراجعة ضريبية لمدة 10 سنوات 
“هاذ المراجعة الضريبية ديال 10 سنوات كاتكون خاصة بالشركات لي عمرهم ديكلاراو شي حاجة، يعني كانو خدامين غير فنوار”
لا يمكن تجنب هذه المراجعة الضريبية ” لي دار الذنب يستاهل العقوبة” 
خلاصة : إذا بغيت تكون مرتاح من المراجعة الضريبة خاص تكون ملتازم بإيداع كل القوائم الضريبية فوقتها وكذلك خاص تجنب الأخطاء المحاسباتية قدر الإمكان.