Marchés publics
– هو سوق يتم فيه الإعلان عن عروض وصفقات مقدمة من طرف مؤسسات الدول وموجهة للشركات 
– بمعنى فاش الدولة كاتبغي تبني شي مؤسسة أو مدرسة مثلاً راه مكاتبنيهاش هي، إنما كاتحط إعلان فموقع الصفقات العمومية فيه المتطلبات ديال المشروع من بعد كايجيو أصحاب الشركات باش يشاركو فهاد الصفقة وذلك بتقديم ملفاتهم لصاحب المشروع لي فالغالب كاتكون إما وزارة أو مؤسسة تابعة للدولة 
—–<◇>—–
للمشاركة في هذه الصفقات وجب على أصحاب الشركات بالقيام بإِعداد الملفات التالية : 
⚀ – الملف الاداري Dossier administrative 
كيكون فيه التصريح بالشرف، بالإضافة للضمان المؤقت وهو عبارة عن مبلغ مالي كاتبلوكيه فالحساب البنكي الخاص بالشركة…
⚁ – الملف التقني Dossier technique 
كيكون فيه التصنيف اللي كتاخذ الشركة، هاد التصنيف كيختالف وش ديال وزارة إعداد التراب الوطني والتعمير والإسكان أو وزارة الفلاحة أو وزراة التجهيز و النقل …
ممكن كذلك يكون فيه شواهد خاصة بالأجراء والفواتير الخاصة بالآلات المستخدمة
” Moyen humain et matériel”
وكذلك في بعض المشاريع ممكن يطلبو ليك الشهادات المرجعية، كايكون فيها الصفقات لي خدمتهم من قبل
“les Attestation de référence”.
⚂ – الملف المالي Dossier Financier 
اللي كيكون فيه عقد الإلتزام مع جدول الاسعار المقدرة…
“بخصوص الأثمنة الخاص بالمشاريع يجب ألا تكون أقل من المبلغ المقدر ب %25، وكذلك يجب ألا تتعدى المبلغ المقدر ب %20 “
⚃ – ملف خاص بالعرض التقني Offre technique 
هاذ الملف ممكن يكون ممكن لا على حسب صاحب المشروع كاتحط فيه الدبلومات مع السيرة الذاتية أو عدد سنوات الخبرة ديال أصحاب الشركة والأجراء…
—–<◇>—–
من بعد ماتجمع الملفات المطلوبه كاتمشي دفعها أما عبر موقع الصفقات العمومية عن طريق حسابك الخاص، وللقيام بذلك لابد يكون عندك واحد USB خاص بالشركة ديالك يتم إرساله لك عن طريق البريد من بعد ما تسجل في موقع الصفقات العمومية وتخلص مصاريف التسجيل
أو ممكن دير فوطوكوبي للملفات ومن بعد تاخدها للمؤسسة صاحبة العرض ودفع الملفات ديالك بشكل تقليدي.
أخيراً يتم الإعلان عن الرابح في الصفقة بعد دراسة كل الملفات المقدمة، من بعد كتبدا إجراءات أخرى سيتم شرحها في الدروس القادمة إن شاء الله.